طريقة,عمل,الجمبرى,المشوى,
اهلا وسهلا يا بنات اليوم نقدم لكم طريقة عمل الجمبرى المشوى فى الفرن طعمة يجنن هتاكلى صوابعك وراه , مع اكلات حواء يا ست الكل تقدرى تعملى الجمبرى المشوى بطريقة سهلة جدا فى المنزل , يلا نركز فى المقادير .
مقادير عمل الجمبرى المشوى :
اثنين كيلو جمبرى جامبو
واحدة بصله متوسطه
واحدة طماطم كبيره
واحدة فلفل اخضر كبيره
نصف ربطه بقدونس
نصف ربطه شبت
اربعة فصوص ثوم
اربعة معالق زيت
ملح وفلفلوكمون حسب الرغبة
ايضا كمون وكسبره ناشفه و روز مارىوكمان رشه خفيفه قرفه و 3 ورقات لورى
طريقة عمل تحضير الجمبرى المشوى :
بناخد الجمبرى ونفتح فتحه فظهره عشان نشيل كيس الرمل... ممكن تخلى الراجل يفتحولك لو مبتعرفيش ومنه هتتعلمى ازاى تفتحيه بعد كده
نغسل الجمبرى كويس ونحطه ينزل ميته شويه
ناخد الثوم والبهارات ونضربهم ف الكبه مع بعض, ونتبل بيهم الجمبرى ( نتبله من الحته اللى فتحناها ف الظهر) ونحطه على جنب ف طبق لمده ساعه عشان يمص التتبيله شويه
ف الفتره دى نجيب البصله ونقطعها طرنشات رفيعه ونحط عليها ملح وفلفل ونفركها كويس, ونحط البصل ف ارضيه صنيه الفرن
نقطع الكسبره والشبت ونحطهم فوق البصل
نجيب الجمبرى ونحطه فوقهم ( ممكن تحطى الجمبرى ف اسياخ خشب بحيث يمر من الذيل لحد منطلعه من الراس ... بيكون ولا المطاعم)
نقطع فلفله متوسطه والطماطم على الوش
وفالنهايه بترش شويه من كل البهار اللى تبلنا بيه الجمبرى , ونحط ورق اللورى ف الارضيه,, ونحط الزيت على الجمبرى ونقفل الصنيه بورق فويل" ورق الومينيوم"
ندخلها على ارضيه فرن متوسط الحراره لمده حوالى نص ساعه,بعدين نشيل الفويل ونحطها على الرف العلوى ونشغل الشوايه ونطفى الفرن حوالى 10 دقايق
طلعيها من الفرن ورصيها ف الطبق , ويمكنك تقديم الجمبرى المشوى مع الارز .
إرسال تعليق