طريقة,عمل,كفتة,الفراخ,البانية,
اهلا يا بنات اليوم نقدم لكم طريقة عمل كفتة الفراخ بالصور خطوة خطوة للشيف الشربينى , مع اكلات حواء هتعرفى طريقة عمل كفتة الفراخ المشوية فى الفرن طريقة سهلة وجميلة جدااا هتاكلى صوابعك وراها .
مقادير كفتة الفراخ :
1/ 2 كيلو أوراك فراخ مفرومة
2 حبة بصل مفروم
كوب بقدونس مفروم
2 ملعقة كبيرة بقسماط
ملح وفلفل
ملعقة صغيرة بهارات فراخ
عيدان شيش للشوي
طريقة تحصير كفتة الدجاج :
1- افرمي البصل واعصريه من المية كويس، وخلي المية على جانب، وبعدين اخلطي البصل ده مع الفراخ والبقدونس والبقسماط، وتبّليها بالملح والفلفل والبهارات.
2- اعجني الكفتة شوية لحد ما كل المكونات تتداخل كويس، وحطيها في التلاجة وسيبيها لمدة نصف ساعة علشان ماتفكش منك وانت بتشويها.
3- بعد كده ابدئي صبّعيها على الأسياخ، وبلي إيديك بمية البصل وانتي بتصبعيها علشان تدي لها نكهة وكمان تدي لها لون حلو، وحاولي تخلي الكفتة رفيعة علشان تتشوي كويس.
4- بعدين اشويها على الجريل أو في طاسة تكون مابتلزقش، وحاولي أول لما تحطيها على الشواية تقلبيها من كل الأجناب علشان تمسك كويس، وسيبيها لحد ما تستوي كويس، وقدميها مع سلطة الطحينة .
تابعونا لمعرفة اشهى الاطباق وطرق مختلفة لعمل الكفتة للشيف الجميلة منال العالم .
إرسال تعليق